ШҮЛГЧ МӨҢКӘН НАДЕЖДА 

Хальмг келн өргҗлтин төвд багш, шүлгч, блогер Мөңкән (Минькеева) Надежда Анчаевна ирсн билә. Надежда Анчаевна җирһлин туршарт Северное селәнә школын хальмг келнә багш болад көдллә. Хальмг келндән маш дурта болад, шүлгиг бичҗ эклсмн. 
2005 җилд «Хаврин белг» гидг хураңһуг селәнә школд барлад бичсмн. 2009 җилд «Шүлгүд» гидг хураңһуг барлҗ һарсмн. 2020 җилд «Теегин герл» гидг седкүлин 4 һарцд Мөңкән Надеждан шүлгүдиг ниитлсмн. 2020 җиләс авн «Цецгәлсн бадм цецгин отг» гидг хураңһу барлҗ һарсмн. 
Надежда Анчаевна теткүлтн болад, шүлгән өдгә күртл бичнә. Иим багш, шүлгч күмн өдгә цагт ончта күмн болна гиҗ санҗанавидн. Надежда Анчаевна эрүл-менд болад, зун нас наслад, таңсг сәәхн шүлгән бичәд, җирһл иктә болтха! 

Лагань балhсн 

Лагань балhсан буульнав, 
Евәлтә шүлгән белглнәв. 
Лавта сөңгән өргнәв, 
Еңсгәр дуулҗ медүлнәв. 
Җигтә хальмгуд энд бәәнә. 
Җирһәд эрдмән үзүлнә, 
Җирлзәд, җиирәд одна, 
Җивр урhсн болна. 
Җирhлтә лаганяхн сурәлнә, 
Җилвтә бииhәрн авлна . 
Көкрсн буурл теңгснь 
Көөс цахрулад бәәнә. 
Кишгтә мини балhсн, 
Кеерч өөнән угтна. 

Толь 
Маш – очень 
Ниитлх – публиковать 
Теткүлтн – пенсионер 
Теткүл — пенсия 
Күмн – человек (литературная форма)