Түдвин Җамц. «Җаңhр»-иг күнддкн үзх йосн. Обряд почитания эпоса «Джангар» и почему нельзя нарекать детей именем «Джангар (прим. переводчика).

Түдвин Җамц (произносится «Җамцэ»). Уг нернь — Дорҗ-Раши. Шинҗәңгин Тарвһта әәмгин Хар-усн балһсна күмн. Судлгч, профессор, «Җаңhр»-ин мергҗлтн. 1933 җилд китд моңһл хойр келәр » Тууль Җаңһрин учр » гидг дегтр бичсмн. Эн дегтрин тасрхаг тодрха үзгәс кириллын үзгт буулһад таанрт умшулҗ өгнәвидн.Һазр бүрин җаңhрчд болн «Җаңhр» соңсгч өвгдүдин «Җаңhр»-ин туха таньлтнь әдл бус учрас «Җаңhр»-иг хәәлх бую «Җаңhр»-ин нәр кех үйд гидг йосн йовдл чигн әдл уга бәәдг, цаашдан Җаңhр гидг нерәр көвүдт нер тәвхиг цеерлдг йовдл чигн бәәдг.

Аршан шийәни җаңhрч Җава, Карбу: «Җаңhр»-иг дегд ик келәд бәәхлә, Хурмстн теңгр күртл седкл уйрҗ, хур-цасн орх бую боран-шуурһн болдг төлә «Җаңhр» келх үйд өрк-үүдән бүтәдг йоста» — гиҗ келв. Тедн тиигәд «Җаңhр» келхдән саң, сүр тәвҗ, Бурхни өмн зул бәрҗ, өрк-үүдән бүтәҗ оркад, «Җаңhр» келдг бәәв.

Күмс көвүдтән «Җаңhр» гиҗ нер тәвхиг ик цеерлдг бәәнә. Эн туха би олн өвгдәс асуҗ үзлә. Тедни келхәр болхла, Җаңһр хан бийнь Манҗушрин хүвлһән мөн.
Көвүдт «Җаңhр» гиҗ нер тәвхлә, көвүдин кишг даах уга гинә.

Кервә көвүндән «Җаңhр» гиҗ нер тәвҗ оркад, ямр негн учрар тер көвүг харах бую цокдг болхла, Манҗушрин хүвлһәг харагсн бую цокгснла әдл ик нүүлтә керг болдг бәәнә. Тиимәс, тедн көвүдтән «Җаңhр» гиҗ нер тәвх уга.

Хәрн хальмгуд Европан сойлын нөләг күртгсн учрас боллта, теднд» Җаңhр» гидг нертә күмн олн бәәнә.