«Хальмг келн өргҗлтин төвин» закрл Баатрин Бат-Мөңкин йөрәлин үг. Поздравление директора «Центра по развитию калмыцкого языка» Г.Б. Корнеева.
Поздравление директора «Центра по развитию калмыцкого языка» Г.Б. Корнеева.
Ахнр-дүүнр мини, Улан залата хальмгуд!
Эндр, Зулын байрин өдрлә цуг бидн хамтдан байрлҗ, олн бурхдтан зальврҗ, Зуңква гегәг тәкҗ, ни-негн болад, нииләд-негдәд, нег седкл, нег тааллар авчах насан йөрәҗ бәәнәвидн.
Эннь шин цагин йосн биш, ик кезәнә мана өвкнрин тогтасн сойл болҗ бәәнә. Эн хуучн йосн-йовдлын бат арһмҗар цуг бидн ода күртл өөрд-хальмгин нерән эс алдад, Улан залата хальмгуд болҗ йовҗанавидн.
Дөрвн өөрдин йоста җичнр болад, үнн заң-үүлән сергәҗ, седклдән сәәнәр тогтаҗ, бат кевәр бәрәд йовхла, олн деедсин заян-сәкүсн байсҗ, күн болһнд күч хәәрлҗ, кезә чигн сәкәд йовх юмн.
Авсн наснтн өлзәтә болтха!
Авргч бурхд сәкәд йовтха!
Алдр нерән алдлго йовҗ,
Аав-ээҗнрин йос эс мартад,
Зуңква гегәнә хәәрнд күртҗ,
Зуурк дәәсиг номар дарҗ,
Зулын герләр эврән гегәрҗ,
Зол-җирһл эдлҗ бәәцхәй!
Дорогие мои соплеменники!
Сегодня мы все вместе празднуем Зул, обращаемся ко всем буддам и выказываем почтение Зунква гегяну, становясь одним целым, с едиными мыслями и едиными душевными порывами благословляя следующий год жизни.
Это не новая традиция, это культура, давно созданная нашими предками. Благодаря её скрепам мы до сегодняшнего дня не потеряли имени ойрат-калмыков и сохранили нашу национальную идентичность.
Считая себя потомками Великих четырех ойратов, мы обязаны возрождать свои старинные обычаи и трепетно хранить их в своих сердцах, а наши личные защитники, радуясь этому, будут даровать силу и непрерывно оберегать нас от всего дурного!
