Күндтә мини нутгихн, улан залата хальмгуд!

Эрт урд цагас авн мана өвкнр үкр сарин хөрн тавн, Эзн Зоңкаван бурхн болсн өдриг «Зул» гидг нерәр нерлҗ, цевр-цер кевәр кеһәд йовдг бәәҗ. Эн өдрт насан немәд, олн бурхдтан зальврад, Зоңкава гегәнә хәәрнд багтхиг сурдг бәәсн санҗ.

Ода чигн бидн, теднә хөөт үйнр, эн өвкнриннь үлдәсн хуучн йосан мартл угаһар, «элкн деерән бәрәд» йовх йоставидн. Эннь мана сойлын зөөр, мана келн-улсин үндсн-нурһн болҗах юмн. «Хуучан хатхсн урн сән, хөөткән сансн цецн сән» гиҗ хальмгуд келдг. Хөөткән санад, хуучан хадһлх кергтә!

Тер төләд цуг таднд Зулын байр күргҗ, хамг сән сәәхниг үсн йөрәхәр бәәнәв:

Зун җилин зулан асаҗ,

Зун-намирн идәһән идҗ,

Зедкр-һамшган әрлһҗ,

Зоңкава гегәг

Зула деерән залад,

Зуурк завсрин дәәсиг

Зуурдын тодхр-зедкриг

Зөвтә номар тараһад

Зол-җирһләр җирһий!

Хальмг кел делгрүллһнә төвин закрач Корнин Геннадий