Обращение директора «Центра по развитию калмыцкого языка» Геннадия Корнеева в 78-ю годовщину деопртации калмыцкого народа.

Улан залатнр минь!

Эндр, декабрь сарин 28, цуг мана хальмгудын тууҗ-түүкин ик һашута өдр. Далн нәәмн җил давв чигн, тер харалта цагин нөлә ода күртл цуг маднла бәәһә, өөрд-хальмг күн болһна седклин шавнь ода чигн цусар урса.

Әмән алдад, киитн Сиврин цасн-мөснд үлдсн мана аав-ээҗнрин, эс һарсн күүкдин сүмсиг мөңкрүлхин төлә ода энд һазр деер бәәҗәх маанр эврә келән, сойлан, авг-бәрцән, заң-заңшлан сергәҗ авхла, теднә төлә бәәснлә әдл болх.

Тер төләд, күндтә мини нег нутгихн, хоорндан керүл-ноолдаһан татҗ, онц әмнә теҗәлин төлә зүтксән оркҗ, өөрд-хальмг нерән хаңһахин төлә, эн өрдәс авн келн-сойлдан орҗ, ДУУТА ДӨРВН ӨӨРДИН җичнр болҗ йовцхай!

Дорогие земляки! 
Сегодня 28 декабря, траурный день в истории всех калмыков. Хотя и прошло семьдесят восемь лет, последствия тех проклятых дней все также с нами, сочатся кровью сердца каждого ойрат-калмыка.

Чтобы увековечить память всех людей, стариков и не рожденных детей, оставшихся в снегах холодной Сибири, мы, те, кто живет сейчас на этой земле, обязаны возродить свой язык и национальные традиции, и тогда это будет жизнь, прожитая и за них.

Поэтому, земляки, давайте прекратим раздоры, перестанем жить только ради материальных благ и начнем соответствовать имени ойрат-калмыков. С этого дня начнем изучать язык и традиции, как подобает потомкам СЛАВНЫХ ЧЕТЫРЕХ ОЙРАТОВ!