СӘН ЭКЛЦ
Отличное начало
Шидр Элст балһсна хурл цуг Элстин самбрмудыг, рекламиг, зургта хуудсиг болн нань чигн олна нүднд бәәх бичәсиг Хальмг Таңһчин улсин хойр келәр бичх шиидвр һарһв. Мана балһснд Таңһчин улсин хойр келн теңцәтәһәр керглх кергтә. Бас чигн хойр келәр бичсн үзгнь иҗл болх йоста, — гиҗ Элст балһсна толһач, Элстин хурлын дарһ Орзан Николай темдглв.
Недавно Элистинское городское собрание приняло решение о том, что все вывески, рекламы, афиши и иные средства визуальной информации должны быть написаны на двух государственных языках Калмыкии. В нашем городе должен соблюдаться принцип паритетного использования двух государственных языков, отметил глава города — председатель ЭГС Николай Орзаев.
Эн сән эклцин зәңгиг соңсм цацу мадн, Хальмг кел делгрүллһнә төвин көдләчнр, ик байрта болувидн. Эн метиг арвн эс гиҗ хөрн җил өмн кеһәд авсн болхла, мана хальмг келн бат сүүртә болҗ, өргҗн-делгрҗ йовх билә. Ода болхла, эн сән эклциг: «Өмн һарсн чикнәс, хөөннь һарсн өвр» болтха! — гиҗ йөрәһәд, эврә дөң-туслмҗан күргх санаһан медүлҗәнәвидн.
Как только мы, сотрудники Центра по развитию калмыцкого языка, услышали новость об этом прекрасном начинании, очень обрадовались. Если бы подобное было сделано десять или двадцать лет назад, наш язык бы обрел твердую основу и развитие. Сейчас же хочется пожелать этому прекрасному начинанию: Пусть оно станет таким же, какими бывают «позже появившиеся рога, по сравнению с прежде появившимися ушами», а также заверить о том, что мы готовы помочь.
Сән керг сәәнәр бүтҗ, цаһан хаалһар йовх болтха!
Пусть благое дело прекрасно начнется и продвигается благополучно!
Хальмг кел делгрүллһнә төвин көдләчнр
Сотрудники Центра по развитию калмыцкого языка.
